«Севилья» — «Рома» матчы көрерменсіз өтеді
Қазақстанның және әлемнің спорт жаңалықтарына жазылыңызЕуропа Лигасының 1/8 финалы аясындағы «Севилья» — «Рома» матчы көрерменсіз өтеді, деп жазады Prosports.kz.
Бұған себеп коронавирустың таралу қаупі болып отыр. Бәріміз білетіндей бұл індет қазіргі таңда бүкіл әлемді алаңдатып отыр.
Айта кетейік, «Севилья» — «Рома» матчы 12 наурызда Испаниядағы «Рамон Санчес Писхуан» стадионында өтеді.
Бұған дейін Италия ұлттық олимпиада комитеті індетке байланысты барлық спорттық турнирлерді 3 сәуірге дейін тоқтатқан болатын.
Сонымен қатар, Еуропа Лигасының 1/8 финалы аясындағы «Олимпиакос» — «Вулверхэмптон» матч мен Чемпиондар лигасы аясындағы «ПСЖ» — «Боруссия» кездесуі де жанкүйерлердің қолдауынсыз өтеді.