Нигерия біріншілігінде футболшы матч кезінде көз жұмды

Нигерия біріншілігінің матчында «Насарава Юнайтед» командасының футболшысы Чиеме Мартинс қарсыласымен соқтығысқаннан кейін, жасыл алаңда көз жұмды деп хабарлайды Prosports.kz сайты Goal.com порталына сілтеме жасай отырып.

Кездесу барысында Мартинс қарсылас команданың ойыншысымен соқтығысқан кейін, есінен танып қалған.
Жедел жәрдем көлігі оталмай қойған соң, футболшыны БАҚ өкілдеріне арналған көлікпен ауруханаға жеткізген. Футболшы ауруханада көз жұмды. Әзірге футболшының өліміне не себеп болғандығы белгісіз.