Әйелдер арасындағы баскетболдан Қазақстан чемпионатының плей-офф жұптары анықталды

6 наурызда әйелдер командалары арасында баскетболдан Қазақстан чемпионатының кезекті маусымы аяқталды, деп хабарлайды Prosports.kz.

Кезекті маусымның қорытындысы бойынша, ұлттық чемпионаттың финалдық кезеңіне қатысатын командалар анықталды, олардың матчтары 18-28 сәуір аралығында Щучье қаласында «Жақсы-2» спорт кешенінде өтеді.

«А» тобында бірінші орынды иеленген елордалық «Астана Тайгерс» командасы жартылай финалға жолдама алды.

Тағы алты команда плей-оффтағы жолдарын 1/4 финалдан бастайды.

Ширек финалдағы жұптар:

Ертіс (Павлодар) - Оқжетпес (Ақмола облысы)

«Синегорье» - «Қазығұрт МарС» (Шымкент)

СДЮСШ (Алматы облысы) - «Тұран» (Түркістан облысы)

Плей-оффтың кезеңіндегі текетірестер бір команда екі жеңіске қол жеткізгенге дейін жалғасады.