Абылайхан Жүсіпов: Олимпиада жолдамасы бұйырғанына қуаныштымын

Қазақстандық боксшы Абылайхан Жүсіпов халықаралық әйелдер күнінде Токио Олимпиадасына жолдама жеңіп алды. Аммандағы іріктеу турнирінің ширек финалында Жүсіпов таиландтық боксшыны жеңді.

«Қазір өте жақсы сезімдемін. Жеңіске жетіп, лицензияға иелік еткенім үшін өте қуаныштымын. Жанкүйерлер сенімін ақтағаныма қуаныштымын. Бүгінгі 8 наурыз мекересінде барша қыз-келіншектер мен аналарымызды, әпке-қарындастарымды құттықтаймын», - деді Абылай.

Айта кетелік, Абылай қазақстандық боксшылар арасынан алғаш боп Токио Олимпиадасына лицензия ұтып алды.