Нұртас Әжбенов қарсыласын нокаутпен жеңді

Қазақстандық кәсіпқой боксшы Нұртас Әжбенов Дубайдағы бокс кешінде қарсыласын нокаутпен жеңді, деп хабарлайды Prosports.kz сайты.

Нұртас Әжбенов кәсіби бокстағы тоғызыншы кездесуінде филиппиндік боксшы Джей Ару Магбуды бірінші раундта нокаутқа жіберіп, жеңіске жетті. Жекпе-жек бастала салысымен Нұртас қарсыласын төмпештей бастады. Қазақстандық боксшының жойқын соққылары жекпе-жекті ұзаққа созбады.

25 жастағы Нұртас Әжбенов кәсіпқой бокста 9 жекпе-жек өткізіп, барлығында жеңіске жеткен.