«ЕУРО-2020 турнирін кейінге шегеру қажет»
Италия футболшылар қауымдастығының президенті Дамиано Томмази коронавирус эпидемиясына байланысты ЕУРО-2020 турнирін кейінге шегеру туралы ұсыныс жасады.
– УЕФА ұлттық чемпионаттардың аяқталуы үшін ЕУРО-2020 турнирінің уақытын кейінге ауыстыруды қарастыруы керек.
Коронавирус тек Италияда ғана емес. А Сериясының матчтары жанкүйерсіз өте береді, бірақ футболшылардың ішінде бұл идеяны қолдайтын не қолдамайтындар бар.
Біз сақтық шараларын барынша ұстануға тырысамыз. Өйткені футболшылар алаңға шыққан сайын тәуекелге барады.
Оның үстіне бір футболшы коронавирус жұқтырса барлық команданы карантинге жібереді, - дейді ол.
