Дания құрамасының экс-ойыншысы коронавирус жұқтырды

Дания құрамасы мен «Осер» командасының бұрынғы ойыншысы Томас Каленберг коронавирус жұқтырды, деп хабарлайды Prosports.kz.

«Брондбю» клубы ресми сайтының хабарлауынша, Каленберг Амстердамға жасаған сапарында инфекция жұқтырған. Футболшының жағдайы жақсы деп бағаланып отыр.

Айта кетелік, Каленберг Дания құрамасы сапында 47 матч өткізіп, бес гол соққан. Жартылай қорғаушы клубтық мәнсабында «Брондбю», «Осер», «Вольфсбург» және «Эвиан» командаларында ойнады.