Әбілхан Аманқұл Олимпиадаға іріктеу турнирін жеңіспен бастады
Қазақстанның және әлемнің спорт жаңалықтарына жазылыңызҚазақстандық боксшы Әбілхан Аманқұл Амман қаласында (Иордания) өтіп жатқан Олимпиадаға іріктеу турниріндегі алғашқы жекпе-жегін өткізді, деп хабарлайды Prosports.kz.
75 келі салмақта жұдырықтасатын Аманқұлдың 1/8 финалдағы қарсыласы оңтүстіккореялық боксшы Ким Жинжи болды. Бұл жекпе-жекте Аманқұл төрешілер шешімімен жеңіске жетіп, турнирдің ширек финалына шықты. Ширек финалда Әбілхан өзбекстандық Фанат Кахрамоновпен кездеседі.
Еске салайық, Әбілхан Аманқұл - әлем чемпионатының күміс жүлдегері (2017), Азия чемпионатының қола жүлдегері (2017), жазғы Азия ойындарының вице-чемпионы (2018) және Қазақстанның екі дүркін чемпионы (2016, 2018).