Швейцарияның Бас прокуратурасы ПСЖ президентіне айып тақты
Қазақстанның және әлемнің спорт жаңалықтарына жазылыңызШвейцарияның Бас прокуратурасы Халықаралық футбол федерациясының (ФИФА) бұрынғы бас хатшысы Жером Вальке ірі халықаралық турнирлерді өткізу үшін теледидарлық құқықты сатқан кезде Нассер әл-Хелаифиден пара алды деп айыптап отыр, деп жазады Prosports.kz. Бұл туралы Швейцария бас прокурорының баспасөз қызметі хабарлады.
ПСЖ басшысы ірі медиахолдинг beIN Media Group иесі. Әл-Хелаифи өз компаниясы атынан вилла сатып алып, оны Валькеге қолдануға берген. Оған қоса, Вальке 1,25 миллион еуро ақша алған.
Алып клубтың президенті Нассер әл-Хелаифи бұл айыпты жоққа шығарып, Швейцария елінің басшылығынан істі қайта қарап, ақ-қарасына анықтауды өтініп отыр.
Айта кетейік, әлем футболындағы тағы бір қалтасы қалың клубтың бірі «Манчестер Сити» жақында қаржылық тепе-теңдікті сақтамады деп УЕФА тарапынан айыпталған еді.
«Манчестер Сити» еурокубоктардан екі жылға шеттетілді