Анастасия Городко фристайл-могулдан Еуропа кубогы кезеңінде күміс жүлдегер атанды

Фристайл-могулдан Қазақстан жастар командасының мүшесі Анастасия Городко Еуропадағы жеңісті жорығын жалғастыруда деп жазады Prosports.kz ҰОК ресми сайтына сілтеме жасап.

Ресейдің «Красное озеро» курортты аймағында өткен Еуропа кубогінің кезекті жарысында Городко екінші орын иеленді. Ол 71.18 ұпай иеленді. Алтын жүлдегер атанған франциялық Камилл Кабролда 72.69 ұпай бар. Үшінші орында ресейлік Екатерина Огнева (67.31). Қазақстандық Олеся Граур 12-ші, Вика Михайлова 19-шы орында.