Галина Вишневская үздік ондыққа кірді

Қазақстандық Галина Вишневская Италияның Антхольц қаласында биатлоннан 15 км жеке қашықтықта тоғызыншы орынға ие болды.

Қазақстандық спортшы төрт мәрте нысана көздеуде бірде-бір оғын мүлт жіберген жоқ. Тек жылдамдығы жағынан есе жіберген Галина қорытындыда үздік ондықтың қатарына кірді.

Жарыс барысында екі рет оғын нысанаға тигізе алмағанымен, қарқыны мықты италиялық Доротея Вирер мәре сызығын бірінші болып қиды.

Бұл - оның осы біріншіліктегі екінші алтын медалі. Д.Вирерден сәл-пәл қалып қойған германиялық Ванесса Хинц екінші, норвегиялық Марте Рейселанд үшінші орынға көтерілді.