Месси 2019 жылдың үздік спортшысы атанды

«Барселона» шабуылшысы Лионель Месси Laureus World Sportsman of the Year 2019 жүлдесін жеңіп алды, деп хабарлайды Prosports.kz.

Аргентиналық бұл жүлдені Формула-1 пилоты, «Мерседес» командасының өкілі Льюис Хэмилтонмен бөлісті.

Месси тарихта осы марапатқа ие болған алғашқы футболшы болды.

Еске салайық, Laureus World Sports Awards жыл сайын спортшыларды алдыңғы жылдағы жетістіктері үшін марапаттайды. Сыйлық 1999 жылдан бері беріле бастады.