Анастасия Городко фристайл-могулдан Еуропа кубогінде кезекті алтынын алды

Финляндияда фристайл-могулдан Еуропа кубогі кезеңі аяқталды. Қарт құрлық додасында Қазақстан командасының өкілі Анастасия Городко тағы да топ жарды.

Анастасия параллельді могулдан алтын жүлдегер атанды. Неміс спортшысы Ханна Вессе екінші, франциялық Фантин Дегрут үшінші орында.

Айта кетелік, бірінші жарыс күнінде өткен жекелей сында Анастасия Городко жеңіс тұғырының ең биік сатысынан көрінген болатын.