«Астана Аренаның» шатыры құлады
Қазақстанның және әлемнің спорт жаңалықтарына жазылыңызЕлордадағы «Астана Арена» спорт кешенінің шатыры қалың қардың әсерінен ортасына опырылып құлады, деп жазады Prosports.kz.
Бұл туралы астаналық тұрғын Facebook-тегі жеке парақшасында хабарлады.
«Астана Арена» спорт кешенінің директоры Дмитрий Антоничев ақпаратты растап, түсініктеме жасады.
«Бүгін таңғы сағат 08:00 шамасында жауын-шашынның салдарынан кешен шатырындағы поликарбонаттық плиткалар құлап түсті. Қазір шатырды қалпына келтіру жұмыстары жүріп жатыр. Адам шығыны мен зардап шегушілер жоқ», - деді Антоничев.
Оның айтуынша, спорт кешенінің шатыры шыны плитка болғандықтан, оның үстіндегі қарды тазалау мүмкін емес екен.