Федерация кубогында Қазақстан намысын қорғайтын спортшылар анықталды

2020 жылдың 7-8 ақпан күндері Бельгияның Кортрейк қаласында Федерация кубогының іріктеу кезеңінде Қазақстан құрамасы Бельгия құрамасына қарсы өнер көрсетеді.

Осы кездесудің нәтижесінде жеңіске жеткен құрама Федерация кубогының финалдық кезеңіне жолдама алады. Турнирдің финалдық кезеңі жаңа ереже бойынша сәуір айында Венгрия астанасы Будапештте өтеді.
Іріктеу кезеңінде Бельгия құрамасына қарсы Зарина Дияс, Юлия Путинцева , Анна Данилина және Ярослава Шведова ойнайтын болады.