«Салават Юлаев» – «Барыс» матчының тікелей трансляциясы

25 қаңтарда елордалық «Барыс» Уфада жергілікті «Салават Юлаевпен» ойнайды, деп хабарлайды Prosports.kz.

Қарсыластар бұл маусымда осымен үшінші рет кездеседі. Алдыңғы екі матчта Қазақстан астанасының командасы жеңіске жеткен еді. Өткен жылдың 9 қазанында «Барыс» юлаевтықтарды Уфада 2:1 етіп ұтса, ал 14 қаңтарда Нұр-Сұлтанда 5:3 есебімен басым түсті.

Андрей Скабелканың командасы башқұртстандықтарды үшінші рет жеңуге «кетәрі» емес, алайда қарсылас команда алдыңғы екі жеңіліс пен 23 қаңтардағы Қазанның «Ақ Барсынан» буллит сериясынан ұтылуын жуып-шайғысы келетіні анық.

«Салават Юлаев» - «Барыс» матчының тікелей трансляциясы Нұр-Сұлтан уақытымен 17:20-да басталады, ал матчты мына СІЛТЕМЕ арқылы тікелей эфирде тамашалауға болады.