Бақдос Олжабай NFC-22 турнирінде өнер көрсетпейді

Almaty Fight Academy клубының өкілі, қазақстандық файтері Бақдос Олжабай (4-1) NFC-22 турниріне қатыспайтын болды, деп жазады Prosports.kz.

Бұған себеп, спортшы жаттығу кезінде жарақат алып қалған.

Айта кетейік, бұған дейін 23 жастағы Бақдос 31 қаңтарда Ақтауда өтетін NFC-22 турнирінде өнер көрсететіні белгілі болған еді. Жоспар бойынша отандасымыз 21 жастағы қырғызстандық Алжигит Еркебайулымен жұдырықтасуы керек болған.