Қазақстандық спортшы фристайл-могулдан Еуропа Кубогында топ жарды

Швейцарияда фристайл-могулдан Еуропа Кубогы кезеңі өтіп жатыр. Екінші жарыс күні қазақстандық спортшы Анастасия Городко алтын алды.

Параллельді могулда қарсылас шақ келтірмеген спортшымыз алтын жүлдені жеңіп алды. Күміс голландиялық Джанека Бергхуистің, ал қола неміс Софи Весседің қанжығасында кетті.

Айта кетейік, жарыстың алғашқы күні Анастасия Городко тағы бір алтын медаль алған болатын.