Қазақстандық гимнасшы халықаралық турнирде қола жүлдегер атанды

21-23 желтоқсан күндері Люксембургте көркем гимнастикадан «Люксембург кубогы» халықаралық турнирі аяқталды. Аталған сында қазақстандық гимнасшылар да жүлдесіз қалған жоқ деп хабарлайды Prosports.kz Olympic.kz сайтына сілтеме жасап.

Турнирге Қазақстан атынан жалпы есебі 13 спортшы қатысты. Ересектер арасындағы бәсекеде қазақстандық Диана Звонарева қола жүлдегер атанды. Ол көпсайыс қорытындысы бойынша 70,4 ұпай жинаған. Бұл сында алтын медальді Италия, күмісті Израиль гимнасшылары еншіледі. Ал жасөспірім қыздар арасындағы жарыста Аружан Қасенова (61 ұпай) алтын, Айдана Мамжан (60,7 ұпай) жетінші орын иеленді.