ВИДЕО. Аралар үшін кездесуді тоқтатуға тура келді

Танзанияның тәуелсіздік кубогы кезінде қызық оқиға орын алды. футболшылар бастарын бүркеп жасыл алаңға жатуға мәжбүр болды.

Танзанияның тәуелсіздік кубогы аясында "Янга" мен "Иринга Юнайтед" командалары кездескен болады. Кездесудің 54-ші минутында стадионда бір үйір аралар пайда болды.

Ойыншылар аралардан қашып бүркеніп жата қалды, төрешілер мен жанкүйерлер де аралармен арпалысып әлек болды. Аралар жасыл алаңнан кеткенше кездесу уақытша тоқтатыла тұрды.

Аралар кеткен соң кездесу жалғасын тапты. Қорытынды есеп 4:0 "Янга" футбол клубының пайдасына.