Мертенс "Арсенал" сапына ауысуы мүмкін

Италияндық БАҚ өкілдерінің айтуынша "Наполи" футбол клубының шабуылшысы Дрис Мертенс лондондық "Арсенал" сапына ауысуы мүмкін.

Канонирлердің су жаңа бапкері Микель Артета бельгиялық футболшыны өз командасынан көргісі келеді.

Бельгиялық 32 жасар футболшының неаполитандық клубпен келісім-шарты биылғы маусымның соңында аяқталады. Екі жақ келісім-шартты ары қарай ұзартпауы ықтимал.

Биылғы маусымда Дрис Мертенс 22 кездесуде "Наполи" сапында 9 гол соғып, 4 нәтижелі пас авторы атанған.