"Челси" Джейдон Санчоға басты үміткер

Дортмундық " Боруссия" футбол клубының шабуылшысы Джейдон Санчо лондондық "Челси" сапына ауысуы мүмкін деп британдық БАҚ өкілдері жарыса хабарлауда.

The Sun басылымының хабарлауынша Санчоға басты үміткер "Челси футбол клубы. Қысқы трансфер терезесі кезінде лондондық клуб Санчо үшін 120 миллион фунтты аямайды деседі.

Челсидың бапкері Фрэнк Лэмпард Англия құрамасының ойыншысы "Челси" үшін өте жақсы трансфер болатындығына сенімді. Ал клуб басшысы Роман Абромович аталған трансферге қаржы бөлуге дайын.

19 жасар футболшы биылғы маусымда дортмундық команда сапында 24 кездесу өткізіп, 12 гол соғып, 13 нәтижелі пас берген.