Жансель Дениз Гранд-слэм турнирінің финалдық кезеңінде жеңіліп қалды
19-20 желтоқсан күндері Қытайдың Уси қаласында таеквондодан Гранд-слэм турнирінің финалдық кезеңі өтіп жатыр.
Аталған сынға Қазақстан сапынан жалғыз спортшы ғана жолдама алған болатын. Қазақстан әйелдер командасының мүшесі Жансель Дениз екінші кездесуден соң жарысты аяқтады.
Алғашқы айналымда Жансель қытайлық қарсыласын жеңсе, екінші кезеңде Оңтүстік Корея өкіліне 2:12 есебімен жол берді.
Айта кетелік, Мәскеуде өткен Гран-при турнирінің финалдық кезеңінде де Жансель алғашқы айналымнан аса алмады.
