Ескендір Харсан Томас Эссомбамен кездесу алдында салмақ өлшеді

Ертең Алматыда, Балуан Шолақ атындағы мәдениет және спорт сарайында бокс кеші өтеді, деп хабарлайды Prosports.kz.

Ал бүгін кешті ұйымдастырушы МТК менеджерлік компаниясының басшысы Асқар Салықбаевтың қатысуымен боксшылардың салмақ өлшеу, әрі көз түйістіру шарасы өтті.

Аса жеңіл салмақта WBC Youth Inter-Continental чемпионы, қазақстандық Ескендір Харсан (7-0, 6 КО) WBA Continental белбеуінің иесі, камерундық Томас Эссомбамен (9-5, 3 КО) кездеседі.

Қос боксшының да салмағы 53 келі тартты.