Қазақстандық кәсіпқой боксшы алтыншы жеңісіне қол жеткізді

Кеше, 13 желтоқсан күні Владикавказда өткен бокс кешіне қазақстандық Илья Очкин қатысты, деп хабарлайды Prosports.kz.

Бірінші орта салмақтағы Очкин ресейлік Алексей Тухтаровпен жұдырықтасты. Жекпе-жек белгіленген алты раундқа дейін созылып, қазақстандық боксшы төрешілер шешімімен жеңіске жетті.

Айта кетелік, Илья кәсіпқой рингте алтыншы (оның екеуі мерзімінен бұрын) рет жеңіске жетіп отыр. Сонымен қатар ол әлі жеңілістің ащы дәмін сезінген жоқ.