Ресей футбол құрамасы әлем чемпионатының іріктеуіне қатыса ма

Бүкіләлемдік допингке қарсы агенттік комитеті төрағасы Джонатан Тэйлор Ресейге салынған санкция тек футболдан 2022 жылғы әлем чемпионатына ғана қатысты екенін айтты, деп жазады Prosports.kz ресейлік Championat.com сайтына сілтеме жасап.

Демек, мундиальдің іріктеу турнирінде орыстар мемлекеттік ту және гимндерін пайдалана алады, ал футболшылар турнирге қатысу үшін жеке-жеке арбитражды сотқа жүгінбейді.

Бүгін Ресейдің әлем чемпионаты іріктеу турнирінде мемлекеттік рәміздерін пайдалана алмайтыны, ал ойыншылардың жарысқа қатысуы жеке қаралатыны туралы қауесет пайда болған еді.