«Барыс» капитаны ҚХЛ  «Жұлдыздар матчына» қатысады

«Барыс» капитаны Даррен Диц Құрлықтық хоккей лигасының «Жұлдыздар матчына» қатысады, деп хабарлайды Prosports.kz клубтың Instagram желісіндегі ресми парақшасына сілтеме жасап.

Естеріңізде болса, Даррен өткен жылы да кіл мықтылар қатысқан матчта «Барыстың» атынан ойнап қайтқан болатын.
Ойын 19 қаңтар күні «ВТБ Арена» кешенінде өтеді.
Бұл жолы команда капитаны журналистердің дауыс беруі арқылы матчқа қатысуға мүмкіндік алды.