Гандболдан Қазақстан құрамасы Сенегалдан жеңілді

Гандболдан Қазақстан әйелдер құрамасы Жапонияның Кумамото қаласында өтіп жатқан әлем кубогының топтық кезеңіндегі ойындарын аяқтады, деп хабарлайды Prosports.kz.

Топтық кезеңнің соңғы матчында қазақстандық гандболшылар Сенегал құрамасымен кездесті. Нәтижесінде қара құрлықтан келген қарсыластар құрама 30:20 есебімен жеңіске жетті.

Осылайша, бес матчта бес жеңіліске ұшыраған Қазақстан құрамасы С тобында 6-орынға тұрақтады. Топтық кезеңдегі жалпы есеп айырмасы 92:164 болды.

Сенегал - Қазақстан 30:20 (15:7)