Америка Кубогының жеребесі тартылды

Колумбияда 2020 жылғы Америка Кубогының жеребе тарту рәсімі өтті.

Жеребе қорытындысы мынадай:

А тобы: Аргентина, Аустралия, Боливия, Уругвай, Чили, Парагвай;

В тобы: Колумбия, Бразилия, Катар, Венесуэла, Эквадор, Перу.

Байрақты бәсекенің ашылу матчында Аргентина мен Чили кездеседі. Турнирдің ерекшелігі ұйымдастырушылардың шақыртуымен Аустралия мен Катар қатысады.

Айта кетейік, жарыс 12 маусым мен 12 шілде аралығында Аргентина мен Колумбияда өтеді.