Елордада әскери қоян-қолтық ұрыстан халықаралық турнир өтті

Бүгін әскери қоян-қолтық ұрыстан V халықаралық турнир мәресіне жетті, деп хабарлайды Prosports.kz сайты ҚМ ресми порталына сілтеме жасап.

Оған Қазақстанмен қатар Өзбекстан, Қырғызстан, Ресей, Тәжікстан, Моңғолия, Беларусь және Армениядан 400-ге тарта спортшы келіп қатысты.

Жалпыкомандалық есепте Қазақстанның Тұңғыш Президенті кубогын Қорғаныс министрлігінің құрама командасы иеленді. Екінші жүлде де «Шығыс» командасына бұйырды. Ал үшінші орынды ҚР Ішкі істер министрлігінің командасы мен өзбекстандық топ өзара бөлісті.