Қазақстандық шаңғышылар әлем кубогына қатысып жатыр

29 қараша мен 1 желтоқсан аралығында Финляндияның Рука қаласында шаңғымен жарысудан әлем кубогінің бірінші кезеңі өтуде.

Бүгін спринтерлер 1,4 шақырымға жарысқан болатын. Алайда, қазақстандық спортшылар финалға өте алған жоқ.

Әйелдер арасында Анна Шевченко 77-ші, Ирина Быкова 84-ші, Ольга Мандрика 85-ші орын алды. Валерия Тюленева 88-ші сатыда.

Ерлер арасында Әсет Дүйенов 31-ші орында қалды. Олжас Климин 66-шы, Виталий Пухкалов 76-шы, Евгений Величко 83-ші орын алды.