МакГрегор 18 қаңтарда октагонға оралады

UFC ұйымының екі салмақ дәрежесі бойынша экс-чемпионы Конор МакГрегордың келесі жекпе-жекке шығатын күні белгілі болды, деп хабарлайды Prosports.kz.

31 жастағы ирландиялық 18 қаңтар күні Невада штаты Лас-Вегас қаласында өтетін UFC 246 турнирінде октагонға шығады. МакГрегорға 36 жастағы Дональд Серроне қарсылас атанбақ. Жекпе-жек жартылай орта салмақ (77 келі) бойынша өтеді.

Еске сала кетелік, МакГрегор UFC ұйымындағы алтыжылдық мәнсабында 6 рет жекпе-жек кештерінің басты кездесулеріне шыққан және 9 миллион 75 мың ақылы сатылым сатқан. Бұл компанияға 400 миллион доллар пайда әкелді.