«Астана» — «Манчестер Юнайтед» кездесуіне төрелік ететіндер белгілі болды
Еуропа лигасының топтық кезеңі аясында өтетін «Астана» — «Манчестер Юнайтед» кездесуіне төрелік ететіндер белгілі болды, деп хабарлайды Prosports.kz сайты.
Бас төреші боп литвалық Донатас Румшас сайланды. Оған жерлестері Александр Радиус пен Довидас Сужеделис көмектеседі. Төртінші арбитр — Донатас Шименас.
«Астана Аренада» болатын кездесу 28 қараша күні Нұр-Сұлтанда өтеді. Басталу уақыты - жергілікті уақыт бойынша 21:50-де.
