Деревянченко: Қайталап айтамын, мен Головкиннен жеңілген жоқпын
Қазақстанның және әлемнің спорт жаңалықтарына жазылыңызУкраиналық боксшы Сергей Деревянченко жақында ғана қазақстандық Геннадий Головкинмен өткен кездесуі жайлы тағы да айтты, деп хабарлайды Prosports.kz YouTube желісіндегі VideoBoxing арнасына сілтеме жасап.
«Жекпе-жекте мен жеңіске жеттім бе? Өзіме үнемі сыни көзбен қараймын. Бапкерім «Егер сенің қолыңды көтермесе, онда бірдеңені дұрыс істемегенің» деп үйрететін. Осы сөзді басшылыққа аламын.Тек бір нәрсені ғана айта аламын – мен жеңілген жоқпын. Жеңілмегенімді ішім сезеді. Жекпе-жекті қайтадан тамашалап көрмедім», дейді Деревянченко.
Еске сала кетелік, Головкин – Деревянченко кездесуі 6 қазан күні Нью-Йорктің «Мэдисон Сквер Гарден» аренасында өтті. Төрешілер бірауыздан жеңісті қазақстандық былғары қолғап шеберіне берді.