Шотландия құрамасының бас бапкері: Үшінші орын алатын жақсы мүмкіндік туып тұр

Шотландия құрамасының бас бапкері Стив Кларк 2020 жылғы Еуропа чемпионатының іріктеу кампаниясындағы Қазақстанмен өтетін матч қарсаңында екінші ойын туралы айтып өтті, деп хабарлайды Prosports.kz The Scottish Sun порталына сілтеме жасап.

«Мен кекшіл адам емеспін. Біз топтағы үшінші орынды иеленгіміз келеді, сол себепті бұл ойынды маңызды матч деп санаймын.

Біз үш ойынды қатарынан жеңіп, плей-офф кезеңіне шыққымыз келеді. Сондай бір мүмкіндік туып та тұр. Жағымды көңіл-күйге бөленсек дейміз және онымыз ойдағыдай болатын сияқты.

Соңғы бірнеше ойында 4-5 өзгеріс жасадым, бірақ бұл жолы ондай өзгерістер бола қоймас», деді Кларк.

Айта кетелік, матч 19 қарашада Глазгодағы «Хэмпден Парк» стадионында өтеді.