Конькимен жүгіруден әлем кубогы: Қазақстандық спортшылардың нәтижелері

Бүгін Беларусь астанасы Минск қаласында конькимен жүгіруден 2019/2020 жылғы маусымдағы әлем кубогінің алғашқы кезеңі өтті.

3000 метрге жарысудан В тобында сынға түскен Надежда Морозова 8-ші орыннан көрінді. Ерлер арасындағы 5000 метрлік жарыста Қазақстан спортшылары В тобында бақ сынап, Виталий Щиголев 9, Дмитрий Морозов 20, Демьян Гаврилов 28-ші сатыға тұрақтады.

Командалық спринт бойынша Қазақстан 14 команданың ішінен 7-ші орынға тұрақты. Спринтте біздің команда сапынан Роман Креч, Станислав Палкин, Артем Крикунов және Артур Галиевтер сынға түскен болатын.