Сан-Марино - Қазақстан матчын қай телеарна көрсетеді
2020 жылғы Еуропа Чемпионатының іріктеу кезеңіндегі матчта Қазақстан ұлттық құрамасы Сан-Марино командасымен ойнайды, деп жазады Prosports.kz.
Бұл кездесу 16 қараша күні өтеді. Қазақстандық жанкүйерлер ойынды Qazsport телеарнасында тікелей эфирде көре алады. Басталу уақыты - 23:00.
Ойын 5 387 көрермен сиятын Серравалледегі Олимпиадалық стадионда өтеді. Матчқа түркиялық Али Палабыйык бастаған төрешілер алқасы қызмет етеді.
Айта кетейік, I тобында Қазақстан құрамасы 7 ұпаймен бесінші орынға жайғасқан.
