Жамбыл Көкеев «Ақтөбеден» кетті
«Ақтөбе» футбол клубының жартылай қорғаушысы Жамбыл Көкеев командадан кетті, деп жазады Prosports.kz.
Көкеев ақтөбелік клубтың жанкүйерлері мен башылығына алғыс айтып, өзінің командадан кететінін мәлімдеді.
Айта кетейік, 31 жастағы ойыншы мансап жолын 2006 жылы «Железнодорожник» сапында бастаған. Сонымен қатар ол «Астана», «Алма-Ата», «Локомотив», «Шахтер», «Қайрат», «Қайсар» командаларында доп тепті. Осы уақыт аралығында ол Премьер-лигада 263 матч өткізіп, 35 гол соққан.
