Асхат Тағыберген: Мақсатымызға жеткенімізге қуанамын

«Қайсар» футбол клубының капитаны «Оқжетпеспен» (1:1) өткен ойын жайлы пікір білдірді.

- Ең бірінші барша "Қайсардың" жанкүйерлерін маусымның аяқталуымен құттықтаймын. Бүгін жеңіспен қуантқымыз келген. Ол үшін барлығын жасадық дей аламын. Өкінішке орай қонақтардың голы қуанышымызға су сепкендей болды. Бастысы, мақсатымызға жеткенімізге қуанамын! Келер жылы Қызылордада үлкен мереке болады. Жаз мезгілінде Еуропа лигасы біздің аймаққа келеді. Сондықтан келер маусымда біз дайындығымызды екі есеге арттырамыз!