Қазан айының ең үздік спортшысы анықталды

Қазақстан Ұлттық Олимпиадалық комитетінің ресми сайтында «Қазан айының ең үздік спортшысы» анықталды, деп хабарлайды Prosports.kz сайты.

Дауыс беру нәтижесі бойынша дзюдошы Ғұсман Қырғызбаев жеңіске жетті.

Қазан айының үздігі атануға 6 спортшы үміткер болды. Олар: Ғұсман Қырғызбаев (дзюдо), Элизабет Тұрсынбаева (мәнерлеп сырғанау), Андрей Чугай (велоспорт), Милана Сафронова (бокс), Дина Исламбекова (бокс) және Ольга Рыпакова (жеңіл атлетика).

42,50 пайызбен Ғұсман Қырғызбаев үздік атанса, Андрей Чугай 42,14 пайызбен екінші орынға жайғасты. Ал 7,92 пайыз дауыс жинаған Милана Сафронова үшінші орынға ие болды.