«Реал» шабуылшысы рекорд орнатты

Кеше Чемпиондар лигасы топтық кезеңінің төртінші туры аясында «Реал Мадрид» түркиялық «Галатасарайды» 6:0 есебімен ұтты, деп жазады Prosports.kz.

Дәл осы ойында бразилиялық жас шабуылшы Родриго Гоэс хет-трик орындап, көзге түсті.

18 жастағы ойыншы алғашқы екі голын ойын бастала сала 6 минут 14 секундта соғып үлгерді. Бұл Чемпиондар лигасы тарихындағы ең жылдам дубль ретінде тіркелді.

Айта кетейік, өзге үш голдың екеуін шабуылшы Карим Бензема, ал біреуін Серхио Рамос соқты.