Иван Ракитич «Барселонадан» кеткісі келеді

Каталондық «Барселонаның» жартылай қорғаушысы Иван Ракитич қысқы трансферлік кезеңде командасын ауыстыруы мүмкін.

Marca басылымының мәліметінше, 31 жастағы ойыншы клубтың басшылғымен жолығып, командадан кетуге рұқсат алған. Ракитичтің «Барселонадағы» жағдайы көңілінен шықпайтын көрінеді.

Биылғы маусымда Иван Ракитич Испания чемпионатында бар болғаны 6 матчта алаңға шыққан. Қазіргі таңда Хорватия құрамасының ойыншысына «Манчестер Юнайтед» пен «Интер» қызығушылық танытып отыр.