Любомир Михалик: «Әшірбековке әдейі теппедім»

Алматылық «Қайраттың» қорғаушысы Любомир Михалик «PROСПОРТ» тілшісіне берген сұхбатында Қазақстан чемпионатының 26-шы турындағы матчта Қайрат Әшірбековпен болған қақтығыс туралы айтты.

«Менің пікірімше, ол жерде қорқынышты ештеңе болған жоқ. Артур Едигарян «Ордабасының» шабуылшысын құлатып тастағанда қызыл қағаз болатынын түсіндім. Сол кезде жүйкем сыр бере бастады, қасымда тұрған допты жәй тебе салғым келді. Ол Қайрат Әшірбековке тиіп кетті де, қақтығыс басталды. Төреші сонда бірден үш ойыншыны алаңнан қуды, бұл өте қатал жаза деп ойлаймын. Иә, Артурға берілген қызыл қағаз әділетті, алайда бізге сары түс көрсете салса жарайды ғой.

Матчтан кейін Әшірбековке барып, әдейі теппегенімді айтып, кешірім сұрадым. Шамалы жүйкем сыр берді. Оның үстіне біз үш ұпай үшін ойнап жаттық, бұл – өте маңызы», - деді Михалик.