ФИФА президенті: Нәсілшілдерді өмір бойына стадионға кіргізбейтіндей қыламыз

ФИФА Еуропа чемпионатының іріктеу кезеңі аясында өткен Болгария мен Англия (0:6) арасындағы матчта болған келеңсіз жайт туралы өз позициясын білдірді.

- Футболда нәсілшілдікке жол жоқ деп бірнеше мәрте айттық. Алайда әлі күнге осы проблема шығып келеді. Біз қоғамда да, спортта да нәсілшілдікке қарсы күресеміз. Қажет болса ереже бұзғандарды қатаң жазалап, өмір бойына стадионға кіргізбейтіндей қыламыз, - деді ФИФА президенті Джанни Инфантино.