Роналду Instagram-нан тапқан табысы бойынша әлемде көш бастады

«Ювентустың» шабуылшысы Криштиану Роналду өткен жылы Instagram желісінде тапқан табысы бойынша көш бастады.

La Gazzetta dello Sport басылымының мәліметінше, португалиялық футболшы бір жылда 49 жарнамалық пост жариялап, әрқайсысы үшін 900 000 еуро алған. Осылайша Роналду 2018 жылы 44,1 миллион еуро пайда тапқан.

«Барселонаның» шабуылшысы Лионель Месси болса 21,2 миллион еуро табыс түсірген. Сондай-ақ спортшылардың ішінен Дэвид Бекхэм (4 орын) мен Неймар (6 орын) рейтингіден орын алды.