Денис Тен мемориалында ресейлік қыздардың бағы басым болды

Ресейлік мәнерлеп сырғанаушы Серафима Саханович Денис Тен мемориалының қыздар арасындағы жеңімпазы атанды, деп хабарлайды Prosports.kz.

Саханович қысқа, әрі еркін бағдарламаларда бәрінен жақсы өнер көрсетті. Нәтижесінде 184,45 балл алып, бірінші орынға шықты. Екінші орын тағы бір ресейлік Анастасия Гуляковаға (175,29) бұйырды. Үздік үштікті Болгария спортшысы Александра Фейгин 171,09 ұпаймен қорытындылады.

Қазақстандықтардан Айза Мамбекованың (129,02) ғана көрсеткіші үздік шықты, алайда оның өзі оныншы орыннан аспады.