Холлоуэй Нурмагомедовті жекпе-жекке шақырды

Жартылай жеңіл салмақта UFC чемпионы Макс Холлоуэй жеңіл салмақта чемпион Хабиб Нурмагомедовпен жұдырықтасуға дайын екенін мәлімдеді.

- Хабиб жеңіліс дәмін тапаған нағыз ер жігіт. Мен онымен міндетті түрде жұдырықтасамын. Бұдан артық күте алмаймын. Бәрі қашан жеңіл салмаққа оралатынымды сұрайды. Қазір Хабиб бірінші нөмір. Дегенмен мен онымен жекпе-жекті тағатсыздана күтіп жүрмін, - деді Макс Холлоуэй.

Айта кетейік, америкалық спортшы соңғы жекпе-жегінде Фрэнки Эдгарды жеңген. Жалпы мансабында 21 жеңіске жетсе, 4 кездесуінде ұтылып қалған.