Алматыда Денис Тенді еске алуға арналған халықаралық турнир басталды
Бүгін Алматыдағы «Халық Арена» спорт кешенінде мәнерлеп сырғанаудан ересектер мен жасөспірімдер арасында Денис Тенді еске алуға арналған халықаралық турнир өтеді, деп хабарлайды Prosports.kz сайты.
Күндізгі сессияда жасөспірімдер сынға түссе, кешкі сессияда ересектер бақ сынайды.
Турнирдің салтанатты ашылу рәсімі 17:00-ге жоспарланған.
Турнирге 15 мемлекеттен спортшылар қатысады.
Олимпиада ойындарының жүлдегерін еске алуға арналған Denis Ten Memorial Challenge турнирін Халықаралық конькимен жүгірушілер одағы (ISU) өткізіп отыр.
