Қазақстан командасы Шанхайда төртінші орын алды

Қытайдың Шанхай қаласында өтіп жатқан Shanghai Trophy турнирінде шорт-тректен Қазақстан командасы төртінші орын иеленді.

Эстафетадан финалда бақ сынаған қазақстандықтар жарыс ережесін бұзғаны үшін ескерту алып, соңғы төртінші орынға тұрақтады.

Бұл сында Венгрия алтын, Нидерланд спортшылары күміс, Қытай командасы қола медаль еншіледі.

Қазақстан атынан Нұрберген Жұмағазиев, Денис Никиша, Еркебұлан Шамұханов және Мерсаид Жақсыбаев сынға түскен болатын.