«Дэвис кубогында» елімізге қарсылас атанатын құрамалар белгілі болды

18-ші қыркүйек күні Дубайда «Дэвис кубогының» келесі жылғы турниріне жеребе тарту рәсімі өтеді.

Теннистен Қазақстан Ұлттық құрамасы Австралия, Бельгия, Бразилия, Хорватия, Германия, Ұлыбритания және Жапония құрамаларымен бір топта.

Ал, теннисшілерімізге мына елдер құрамалары қарсылас атануы мүмкін: Франция, Швейцария, Чехия, Сербия, Аргентина, Италия, АҚШ және Канада.

Естеріңізге сала кетейік, «Дэвис кубогының» алғашқы кезеңі келесі жылдың 6-8 наурыз күндері өтеді.